سبحان من صور للشاعر ياسين مصطفى بكري

 ****** سُبحان مَن صَوَر ******

شو هالجَمال سُبحان من صَوَر

الوَجه بَدر من السما مدَوَر

تبَسَمَت بسمة من الالماس

نبيذ صافي للقَلِب أسكَر

شو هالجَمال ورقة الاحساس

تاج المحبة ماس مع مرمر

يا راقية يا غالية عالناس

والغلا ديما عالقلب أكثَر

لما شَفَتني وقَدها المَياس

الحَرف عندي صار يتبعثَر

خلخالها من رنة الاجراس

مثل الغزال عالتل بتبختر

حبيتها والحُب فوق الراس

بعيون ليل وخَدها الاحمَر

سهرنا سوى والكاس جنب الكاس

غرِقت بهواها القَلب بتحَسَر

رشت عَطُر جوري بٍعَبي الراس

مُتواضعة ما يوم تتكَبر

...بقلمي...ياسين مصطفى بكري....