يا نهار ابيض للشاعر مجاهد المصري

 يا نهار ابيض ع الجمال

في خفتك ده مفيش مثال

الكل من حسنك اتسحر

ومن شياكتك انبهر

دي حاجة اغرب م الخيال

الثغر مرسوم بانتظام

والرمش معجون بالغرام

وفي الخد يتقال  ١٠٠ مقال

الشعر مفرود سلسبيل

يضوي علي خدك يميل

ومتركش للعزال مجال

معجونة بمية شقاوة

وزايدة جدا في الحلاوة

وكايده في كل العزال

يافريدة ومفيش منك

وجميلة من صغر سنك

جمال ما يخطر يوم علي بال

الارض بتتباهي بيكِ

وقمرها اهو شاهد عليكِ

ده حاجة مفيهاش فصال

الشاعر

مجاهد المصرى

عاشق البنفسج