على دلعونا للشاعر ياسين مصطفى بكري

 *** من تراثنا** من تراثنا***

على دَلعونا عِند الخَياطة

 لِبسَت لِمقَصَب مِشيَت بالحارة

لما شافَتني أعطَت إشارة

وقالت في حُبَك قَلبي مَرهونا

*****

بِكَرم العِنَب ناضِج عُنقودِك

حُلوة هالبسمة ما أحلى خدودك

حلو سَمارِك حُلوات زنودك

عَلَمتي قَلبي غَمز العُيونا

*****

مشيتي بالسَهل والشَعِر لايِح

والعُطُر جوري عَكتافِك فايِح

امك بِتغار وعملت فَضايِح

وأبوك قَلها عَقلِك مَجنونا

*****

مشينا سوى وغَنَت غِنية

إنشَرَح صَدري شو سَوَت فيه

قالت يا أسمر كُلك حِنية

قَلبَك مع قَلبي صاير حَنونا

*****

عُيونِك حلوة عليها ميلي

البَسمة عَشفافِك هي دَليلي

بِديَت السهرة يا شَمس غيبي

جاي مَحبوبي نغَني دلعونا

*****

...بقلمي...ياسين مصطفى بكري...