تعالى للشاعر محمد البريمي

 شعر غنائى ..

((( تعالى )))

تعالى نصفى قلوبنا .. و  النيه كويسه ..

و نرجع تانى   احبه ..  مع أحلى ميت مسا ..

و اللى فات ننساه .. بمره و أساه ..

لا عتاب و لا حساب .. و كفايه لحد  كدا ..

        تعالى نصفى قلوبنا ..

اللى له حق عند التانى .. يطاطى و يسامح فيه .. 

بس بقلب صافى .. من غير م يسأل ليه ..

دا الصلح ديمآ خير  .. بيخلى للحياه تأثير ..

و الصعب سهل و يسير  .. و النبى نصلى عليه ..

       تعالى نصفى قلوبنا ..

ليه نخلى العوازل تشمت فينا .. بعد م قروا اللى ف عنينا .

دا إحنا عشره بقالها سنين .. و الدنيا شاهده علينا ..

و حبنا ظاهر ليهم .. و هما شايفين بعنيهم .. 

بكفايه الغيره اللى عليهم .. علشان بنكمل بعضينا ..

        تعالى نصفى قلوبنا ..

أنا مسامح خلاص ف حقى .. بس إنتى صفى النيه ..

و إن كنت أنا الغلطان .. هأعتذر و الحق عليا ..

و يبفى كده  خالصين .. ولا الضالين آمين ..

و نقسم الفرحه إتنين ..أنا شوبه و إنتى شويه ..

        تعالى نصفى قلوبنا .. 

بقلم الشاعر الغنائى ..

محمد البريمى ..