قلبي الطيب للشاعر مجاهد المصرى
قلبي الطيب
.................
قلبي الطيب مبقاش طيب
ويتعلم كل قسااااااااوة
ولا لخاطر الناس هيطيب
عاش في حياته عهده قريب
ينسى يسامح عمره ماخيب
شاف في حياته حاجات بتشيب
واتحملها بكل جسارة
حس فيها بكل مرارة
من طيبته الكل عليه بيعيب
اتحملت وقالوا الجاني
زودوا جرحي وقلبوا كياني
خلوا الحزن ف كل الحاني
لا ويقولوا قلبك طيب
طيب ما أنا هتعلم منكم
هتخاصموني راح اخاصمكم
تبعدوا عني هبعد عنكم
علمتوني اكون عدواني
قلبي الطيب راح يتحول
حتى الود ماراح يتسول
هيرجع تاني احسن م الاول
خالي وعايش احلى زماني
قلبي الطيب كان بيداوي
كان من طيبته يامه بكاني
مش هشتري خاطركم تاني
لأول مرة هبقي اناني
قلبي الطيب خلاص مش طيب
ولا لخاطر الناس هيطيب
..................................
الشاعر / مجاهد المصرى
عاشق البنفسج
Commentaires
Enregistrer un commentaire