كل الحكاية للشاعر عادل عبد الرازق
كل الحكاية
*******
بقلمي / عادل عبد الرازق
-----------------------
وشك ماهوش رقصة
ولا غنواية
بحر الملامح موجه غامض
وأسرار
وألف حكاية
وفي وكر صدرك عصفور
على خدّ قلبه دمعاية
أنا كنت عاشقك أيام الغنا
بس الغنا صار أحزان
وكأننا ضلينا الطريق
أو ما كانتش صح البداية
...
عشقك وسيع المداين
لكن في كل خطوة سور
وانا مش قادر أوصلك
لأني لا أنا مارد
ولا ساحر
ولا عصفور
أنا يا حبيبتي مجرد عاشق
تايه ما بين حروف الحكاية
...
سكتنا عشقت عكسنا
والخطوة كانت ضدنا
ولما حلمنا باللؤاه
قالوا هوانا خطايا
...
معرفش إيه الخطيئة
في إني يا حبيبتي أعشقك
وارسمك وأصورك
في قلب قلبي
بين الضلوع والحنايا
...
ماعرفش غير إني بحبك
مهما قالوا يا حبيبتي
وانتي عمري وزماني
وانتي دياري ومدينتي
وانتي إنتي ...
كل الحكاية
***
عادل عبد الرازق
Commentaires
Enregistrer un commentaire