ميجنا للشاعر عدنان الخلف

 ميجنا

.

لاترهقينا كل ماتعلقي نرد

واذا عطشتي لأجلك المنهل نرد

جربت حظي بلزهر ولعب ال نرد

وخسرت ما أملك بلحظه ماجنا

.

ياميجنا وياميجنا وياميجنا

لعبنا لعبة حظ وماشفنا الهنا

. 

يافاتنه يسعد صباحك والمسا

وبكفها لمست كفوفي وألمسا

تكهرب قليبي من لهيبا ولمسا

بي غرفة الانعاش وفتنتني انا

.

منك العتابا وميجنا علينا نجود

ونوصف بها الغزلان علنبعه ونجود

هضاب الدرتها جبال وتلاع ونجود

وللآن ماحصلت دروب حبابنا

. 

كل ماتعلق واجبي إني ارد

وعامنهلك طارق انا لازم ارد

شمرا وأوغاريت وآوابد آراد

صروح بنتها بلقديم جدودنا

.

ياميجنا وياميجنا وياميجنا

طارق رشيد الاخ ضمن قلوبنا

.

وبداخلي هل حب رابي مرتبي

بأعلى المناصب وبقليبي مرتبي

قبلتها من اجل امي مرت ابي

لبنت خالي وبعدها شفت الهنا

.

ياميجنا وياميجنا وياميجنا

حبها بقلبنا ساكن وصرلو سنه

.

حكاية غرامي كتبتها شعر وغنا

ماني فقير بحبها صبت الغنا

ومن عشقها صاير عم بدندن كمان

غني العتابا والدلع(دلعونا) والميجنا

.

ياميجنا وياميجنا وياميجنا

حكاية غرامي للقلب صارت هنا

. 

عدنان الخلف

في

11/2/2021