مذكرات زوجة للشاعر أسامة الحكيم

 مذكرات زوجة ( عامية )

بقلم // أسامة الحكيم – مصر 

نايم جنبي بيشخر 

و الوقت بدري مش متأخر

و انا بزغده و لا بتأثر

يا دهوتي يا خرابي 

شاطر وانت صاحي تتأمر

فين الأكل يا وليه

ع النار والله يا عنيه

طب اكويلي الجلابيه

استنى عليّ شويه

بتقولي أيه :

النار هتمسك فيّه

أعمل دلوقت أيه 

أيه الحل قولي عليه

امسك المكوه يا بيه

و أكوي أنا بإيدي 

مره وحده يا سيدي

أنا راجع م الشغل تعبان

قول إنك بقيت كسلان

حاضر يا حبيبي هكويها

بعد ما خلص و أخليها

أحلى جلابيه تمشي بيها

و ليلة الأجازه تنام

و تشخر جامد كمان

و أعيش أنا في الأحلام

نفسي مره تحس بيه

و تسهر معايا و لو شويه

نتكلم على أيامنا اللي 

فاتت و اللي جايه

يعني هقعد لوشك أنظر

و انت نايم و لا بتشعر

مين قالك مين 

إني نايم يا ست الحلوين

يا شريكة العمر و السنين 

استحاله يا ختي انام

قبل منتبادل الكلام

و لما انام أشوفك 

يا روحي في الأحلام