حبك باقي للشاعر عبد الله رجب ابو عدنان

 حبك باقي..

بقلمي عبدالله رجب ابوعدنان

يا ساكنه بين احشاءي

ازاي تشكي لحظة ف وفاءي

إنتي شمسي وقمري وليلي إنتي سماءي

عمر بحالو ما بين ضلوعي

إنتي أدرى برجوعي

بحبي ولهفتي ودموعي

وعارفة يعني اية

حزني عليكي ويعني ايه بكاءي

متصدقيش أي كلام قالوة عني

كانو فين لما كنتي حتة مني

ولا وانا بسطر شعري

ما شافوش قد اية سهري وعناءي

انا دخلت قصرك

لأن هوا دا زمنك و عصرك

يا حبيبتي أنا رهن إشارة من أمرك

وحبي ليكي دليل ولاءي

انا كيف الطفل بيحب شيء و متعلق بية

حياتة وعمرة للي يربية

انا بيكي أذكى واحد ونبية

ولو خرجت عن طوعك يبقى عزاءي

إنتي إللي اخترتي البعاد

خادنا اية م الفرقة عاد

يا حبيبتي اخرتها خصام وعناد

وانا عليل الاطبا احتارو فية

وإنتي الوحيدة اللي عندك دواءي

ازاي بعد ما جربت الغربة

وبعدي عن الدار

ازاي وانا بين جنة ونار

حبيتك من دون النسا

وعارف إن نهايتي على إيدك و فناءي

فية أية تاني ما قلتوش

افكرك بالملح و العيش

بالحب الصادق

اوعاكي تقولي خلص مفيش

امال اية ليالي الصفا

والحب كان غطا ودفا

فاكرة لما كنا بندفا

قولتي كلام نفسي اقولو

لكن يمنعني حياءي

فاكرة يوم ما جتيني ديك النهار

والأسى على خدك

والدموع أنهار

بوست على جبينك

طيبت خاطرك

يكونش غصب عني

لا يا حبيبتي.دا كان بخاطري و رضاءي

كنت عشمان لما أقع تقوميني

كنت عشمان لما الضربة تجيني

إنتي إللي تقويني

مش تبقى أول واحدة تمشي ف جنازتي و تعزيني

لكن مهما يحصل يفضل حبك فيا باقي

حبك باقي.. بقلمي عبدالله رجب ابوعدنان